Daytoy ti paggaammo dagiti aldaw kenka, Agkasangay a mutia dagiti rag-omi: Naridam ti ayatmo kadagiti basbas Naridam ti riknam kas iti maila nga arasaas Anansata iti panaguyas dagiti oras Ket ti kankanayon a pammatim: Kadakami ti bendision dagiti katawa A kaduadaka nga aggarakgak Iti laurel kas iti palma a kenka idaton Ket ti ayug iti pusomi inna kabulon: Sika nga agkasangay kadagiti sardam Kas ita, sika ti mataginayon Kabsat a kakaen dagiti ararawmi: Yawatmi dagiti kannag, kas kadagiti bigat Malukag dagitoy amin iti panagriing Ti rabii nga iti ikotmi inkam iparanud Iti tallaong dagiti amin a namnama Para kenka, kararag iti biag iti sabong Nga iti busel daytoy ket ti agmatuon Manayon a testigo ti kansion a taginayon.

Daytoy ti paggaammo dagiti aldaw kenka, Agkasangay a mutia dagiti rag-omi: Naridam ti ayatmo kadagiti basbas Naridam ti riknam kas iti maila nga arasaas Anansata iti panaguyas dagiti oras Ket ti kankanayon a pammatim: Kadakami ti bendision dagiti katawa A kaduadaka nga aggarakgak Iti laurel kas iti palma a kenka idaton Ket ti ayug iti pusomi inna kabulon: Sika nga agkasangay kadagiti sardam Kas ita, sika ti mataginayon Kabsat a kakaen dagiti ararawmi: Yawatmi dagiti kannag, kas kadagiti bigat Malukag dagitoy amin iti panagriing Ti rabii nga iti ikotmi inkam iparanud Iti tallaong dagiti amin a namnama Para kenka, kararag iti biag iti sabong Nga iti busel daytoy ket ti agmatuon Manayon a testigo ti kansion a taginayon.