Magmagna a di mabannog ni agbambaniaga, Iti nawatiwat a dalan 'ti sanguananna; Kasta ngamin ni Biag ditoy rabaw ti daga, Maritur man iti rigat umaddang latta… Ngem dumteng ti kas-ang ti kanito no dadduma, Ta kas bulong ti biag addanto panaglaylayna, Adda kad' agnanayon ti langtona a mula? Wenno inakbay ti sabong a di agpatingga? O nalinak man ti baybay ita nga agsapa, Inton bigat idaniwnat' unnoy ti kararua! Ita nga aldaw ti ragsakmo a di marubsi, Lailot' langit tarubimbinmo ken abbibi, Agpurpuroska iti bitbituen ti rabii, Ket tangsit ti arkos 'ta gunaymo ken taraki A kas awan pumadpad kenka iti sudi. Kababalin dayta no gundaway agtatabbi: Ni nabakbang dayawna kenka di agati, Ni napanglaw agrukruknoy kenka iti umbi; Ngem aniat' maay ragsakmo a mangnibinibi No awan met kenka ti Dios no Aldaw ti Ani?

Magmagna a di mabannog ni agbambaniaga, Iti nawatiwat a dalan 'ti sanguananna; Kasta ngamin ni Biag ditoy rabaw ti daga, Maritur man iti rigat umaddang latta… Ngem dumteng ti kas-ang ti kanito no dadduma, Ta kas bulong ti biag addanto panaglaylayna, Adda kad' agnanayon ti langtona a mula? Wenno inakbay ti sabong a di agpatingga? O nalinak man ti baybay ita nga agsapa, Inton bigat idaniwnat' unnoy ti kararua! Ita nga aldaw ti ragsakmo a di marubsi, Lailot' langit tarubimbinmo ken abbibi, Agpurpuroska iti bitbituen ti rabii, Ket tangsit ti arkos 'ta gunaymo ken taraki A kas awan pumadpad kenka iti sudi. Kababalin dayta no gundaway agtatabbi: Ni nabakbang dayawna kenka di agati, Ni napanglaw agrukruknoy kenka iti umbi; Ngem aniat' maay ragsakmo a mangnibinibi No awan met kenka ti Dios no Aldaw ti Ani?