Gagayyem ken kakabsat, ken aminen a mamati iti aramidmi iti Programa ti Ilokano iti Universidad iti Hawaii: Iti nagan dagiti manursuro iti daytoy a programa, alaek daytoy a gundaway tapno padanonenkayo iti daytoy a taripnong, ken tapno koma makikammayetkayo iti panangpadayawmi kadagiti amin nga agad-adal iti daytoy a programa, agraman iti panangbigbigmi iti scholarship nga ituytuyang met laeng daytoy a programa. Ti puso ti maysa a programa kas iti programatayo ket dagiti estudiante, ket ti kararua daytoy ket ti komunidad. Iti panangbigbig iti kastoy, tinawen nga ang-angayenmi ti bangkete tapno iti kasta ket aglilinnangen ken agkakammayet dagiti estudiante ket ti komunidad tapno agpada a masaksianda dagiti aramid nga ilunglungalongmi. Importante unay daytoy a panagtararipnong. Babaen iti daytoy ket agbalintayo a saksi dagiti nagapuanan dagiti estudiantetayo iti unos ti maysa a tawen. Babaen iti daytoy ket agbalintayo a testigo kadagiti panggep a rumbeng unay nga iringpas wenno maisayangkat iti wagas a naimballigian. Babaen iti daytoy ket makitatayo dagiti nagapuanan met dagiti manursuro tapno iti kasta ket ikintalda kadagiti adalanda dagiti kinapudno iti kultura ken lengguahe a rumbeng unay a maiyallatiw kadagitoy nga adalan. Ngarud ita a rabii, kaduaendakami tapno iti kasta ket bigbigenmi ti nagpaiduma a laing dagitoy nga adalan, ken tapno iti kasta ket makipagrag-otayo amin kadakuada iti panagserra manen iti maysa a tawen a panagadalda. Adu kadagitoy dagiti agturposen iti daytoy ket ngarud kaduaendak koma tapno basbasantayo daytoy naisangsangayan a panangleppasda iti panagadalda. Sinanamakami a kaduaendakaminto manen iti sumaruno a bangkete. Naimbag a rabiiyo amin.

Gagayyem ken kakabsat, ken aminen a mamati iti aramidmi iti Programa ti Ilokano iti Universidad iti Hawaii: Iti nagan dagiti manursuro iti daytoy a programa, alaek daytoy a gundaway tapno padanonenkayo iti daytoy a taripnong, ken tapno koma makikammayetkayo iti panangpadayawmi kadagiti amin nga agad-adal iti daytoy a programa, agraman iti panangbigbigmi iti scholarship nga ituytuyang met laeng daytoy a programa. Ti puso ti maysa a programa kas iti programatayo ket dagiti estudiante, ket ti kararua daytoy ket ti komunidad. Iti panangbigbig iti kastoy, tinawen nga ang-angayenmi ti bangkete tapno iti kasta ket aglilinnangen ken agkakammayet dagiti estudiante ket ti komunidad tapno agpada a masaksianda dagiti aramid nga ilunglungalongmi. Importante unay daytoy a panagtararipnong. Babaen iti daytoy ket agbalintayo a saksi dagiti nagapuanan dagiti estudiantetayo iti unos ti maysa a tawen. Babaen iti daytoy ket agbalintayo a testigo kadagiti panggep a rumbeng unay nga iringpas wenno maisayangkat iti wagas a naimballigian. Babaen iti daytoy ket makitatayo dagiti nagapuanan met dagiti manursuro tapno iti kasta ket ikintalda kadagiti adalanda dagiti kinapudno iti kultura ken lengguahe a rumbeng unay a maiyallatiw kadagitoy nga adalan. Ngarud ita a rabii, kaduaendakami tapno iti kasta ket bigbigenmi ti nagpaiduma a laing dagitoy nga adalan, ken tapno iti kasta ket makipagrag-otayo amin kadakuada iti panagserra manen iti maysa a tawen a panagadalda. Adu kadagitoy dagiti agturposen iti daytoy ket ngarud kaduaendak koma tapno basbasantayo daytoy naisangsangayan a panangleppasda iti panagadalda. Sinanamakami a kaduaendakaminto manen iti sumaruno a bangkete. Naimbag a rabiiyo amin.