**1** kunak kas man pinagmaysaandak, kas man la adda tulaganda indak imbati nga agmaymaysa iti dana awandan a kaduak. panagriknak tunggal panagkirem a ta matak masawang a daras, adda mangbasnot ken mangap-apras kaniak -- ania ketdin daydiay saem. awan lan ni maysa a manongko, awan nabati mangpalubos met no 'tay awagannakton apo dios: panawamon anakkot' lubongmo. pampanunotek 'toy alinggaget, al-alia agig-iggem ‘ti dos por do **2** adda saem kumurabkurab 'ti barukongko, anian panaasna, ta alap-apenna lattan rikna nangruna no dumaw-as rabii. 'diay ngipenna ania ketdin tadem, kas man marunaw 'toy barukongko, kaduak isu 'diay anniniwanko, riknak anian panangduom saem. naigugorak 'ti gargarakgakmi, 'diay innallawatmi't salaysay no addakam amin 'ti pagpasaran iti bigat, aldaw ken rabii. ay! ngem itan 'toy anniniwanko isu lattan kaduak pagpagnaan. **3** masansan ta adda mangtugtugkik no ar-arapaapek 'diay innak dinakkelan, daras daytoy bagik malmes iti panagaruyot luak. ay! ar-arapaapek tamtambak, dadduma ta adda rengngatda ngem ania ngarud nairuamen 'toy riknak, innaldaw no di man 'tay agmalmalem. maymaysaak a magmagna sadiay, saanen kas iti immun-una a panawen riknak naitagtag-ay, tengtenglek 'toy lagipko laengen. kunak, agmaymaysaakon, 'toy luak ta belbelnasanda ti tamtambak. **4** iti panagsublik lugar innak dinakkelan pinadasko manen nagtugtugaw yan dagiti pempen, ay! ngem nagar-aruyoten 'toy luak. sadiay dakkel namnamak a koma manen innak a makaabay 'tay kakabsat ken dadakkelko, ngem ay! liday 'tay nangmesmes 'toy karkarma. ania ngaruden nagkullayawak, awanen ni maysa kadagiti nangguyguyugoy 'toy ragragsakko,  saanko met idin maputtot luak. anian kinasalemsem rabii, anian panagsipnget ti lubongko. **5** *...urayenkanto idiay nagkurosan.* *Kaduaenkanto a magmagna no* *nakalikigen ti init.* *--adingmo c., jan 17, 2018.* inlagana a balikas innak narikna a daras 'tay sudina, 'tay sudi a nangep-ep-ep 'toy luak. ammona nga aglidlidayak, siak a manongna, kaduak 'toy karkarma, isunto a kaduak pagpagnaak. a, ta anian ket pinanawandak, imbatidak kakabsatko a dua, ita kaslaakon 'tay naitublak. uppatdan a sinaruno, ket siak, maikapito, imbatida't dana: punaspunasek 'toy liday ken luak. ay! ngem nangngegko nga urayennak  kano't nagkurosan, kaduaenna 'toy manongna iti pagpagnaak. 'diay kinapudno ta narikriknak: kaduaennakto kan’ a magmagna no init naglikigen, karkarmak ken siak mapukawton panagamak.

**1** kunak kas man pinagmaysaandak, kas man la adda tulaganda indak imbati nga agmaymaysa iti dana awandan a kaduak. panagriknak tunggal panagkirem a ta matak masawang a daras, adda mangbasnot ken mangap-apras kaniak -- ania ketdin daydiay saem. awan lan ni maysa a manongko, awan nabati mangpalubos met no 'tay awagannakton apo dios: panawamon anakkot' lubongmo. pampanunotek 'toy alinggaget, al-alia agig-iggem ‘ti dos por do **2** adda saem kumurabkurab 'ti barukongko, anian panaasna, ta alap-apenna lattan rikna nangruna no dumaw-as rabii. 'diay ngipenna ania ketdin tadem, kas man marunaw 'toy barukongko, kaduak isu 'diay anniniwanko, riknak anian panangduom saem. naigugorak 'ti gargarakgakmi, 'diay innallawatmi't salaysay no addakam amin 'ti pagpasaran iti bigat, aldaw ken rabii. ay! ngem itan 'toy anniniwanko isu lattan kaduak pagpagnaan. **3** masansan ta adda mangtugtugkik no ar-arapaapek 'diay innak dinakkelan, daras daytoy bagik malmes iti panagaruyot luak. ay! ar-arapaapek tamtambak, dadduma ta adda rengngatda ngem ania ngarud nairuamen 'toy riknak, innaldaw no di man 'tay agmalmalem. maymaysaak a magmagna sadiay, saanen kas iti immun-una a panawen riknak naitagtag-ay, tengtenglek 'toy lagipko laengen. kunak, agmaymaysaakon, 'toy luak ta belbelnasanda ti tamtambak. **4** iti panagsublik lugar innak dinakkelan pinadasko manen nagtugtugaw yan dagiti pempen, ay! ngem nagar-aruyoten 'toy luak. sadiay dakkel namnamak a koma manen innak a makaabay 'tay kakabsat ken dadakkelko, ngem ay! liday 'tay nangmesmes 'toy karkarma. ania ngaruden nagkullayawak, awanen ni maysa kadagiti nangguyguyugoy 'toy ragragsakko,  saanko met idin maputtot luak. anian kinasalemsem rabii, anian panagsipnget ti lubongko. **5** *...urayenkanto idiay nagkurosan.* *Kaduaenkanto a magmagna no* *nakalikigen ti init.* *--adingmo c., jan 17, 2018.* inlagana a balikas innak narikna a daras 'tay sudina, 'tay sudi a nangep-ep-ep 'toy luak. ammona nga aglidlidayak, siak a manongna, kaduak 'toy karkarma, isunto a kaduak pagpagnaak. a, ta anian ket pinanawandak, imbatidak kakabsatko a dua, ita kaslaakon 'tay naitublak. uppatdan a sinaruno, ket siak, maikapito, imbatida't dana: punaspunasek 'toy liday ken luak. ay! ngem nangngegko nga urayennak  kano't nagkurosan, kaduaenna 'toy manongna iti pagpagnaak. 'diay kinapudno ta narikriknak: kaduaennakto kan’ a magmagna no init naglikigen, karkarmak ken siak mapukawton panagamak.